踏入11月有好多網購網站都做緊折扣優惠，我哋新家園梗係會跟貼潮流，喺關愛咭推出唔同優惠，令到大家都可以開心盡興咁買嘢！不過，為咗大家嘅健康著想，避免人流過於集中而染病，所以關愛咭優惠同物資派發，將會逐步採用線上平台「關愛家園We Care」APP去推出。

關愛咭11月優惠詳情如下：

【雅培各年齡奶粉優惠】

關愛咭為會員帶嚟雅培心美力HMO奶粉優惠，適合0至3歲以上唔同年齡層嘅小朋友，仲有適合關注血糖人士嘅怡保康Glucerna奶粉優惠，有需要嘅會員記得唔好錯過！

【華潤萬家超市9折優惠】

超市買嘢想慳得就慳，用關愛咭就幫到你！關愛咭會員逢星期二憑貼上指定條碼嘅會員咭，喺華潤萬家超市、U購select、U購select food購物滿100元或以上，就即享9折嘅優惠。

【華潤堂入會消費要求豁免】

買嘢唔夠300元都做到華潤堂會員？建議你嚟搵新家園！因為關愛咭嘅會員係可以唔洗消費到300元，就可以輕鬆做到華潤堂會員。想盡享折扣優惠，即到本協會嘅服務處申請華潤堂Orange Card啦！

【位元堂中成藥九折優惠】

無論有冇病都好，買定啲成藥看門口，都係對大家一個好嘅保障。關愛咭會員憑咭喺位元堂門市買中成藥，即享九折優惠。另外，用埋關愛咭優惠碼︰WYTNHA2021，再喺位元堂eShop買滿1,000元，仲享有全單9折嘅優惠。

 * 優惠受條款及細則約束，詳情請與所屬新家園協會服務處聯絡。